#أجيو نقوليكم السر ديال الريحة العجيبة لي فداري: الحمام ،المانطات و حتى السدادر!!!

Added 31/12/2016

ايوا لي دخل لعندي لدار تيبدا يشم و تيقولي بغيت غير نعرف اشنو هاد المعطر
 
الزين لي دايرا في دارك و تيبقى ليك مدة طويلة
واحد لوستي عندي دابا في الدار غير تدور وتقلب و تنقوليها مالك
تتقوليا غير تنقلب على المعطر باش نشوف سميتو هههههههه
و تنقوليها هداك راه سر و تنقلبها ضحك هههههه
واقلا لا طولت ههههه مديوش عليا راه عزيز عليا الهدرة و اجموع هههه
ايوا اجي نقوليكم نتوما سميت المعطر
هو روح ديال ساني كروة
اه الروح ديال ساني كروة
 
وا يا الغزلات تنشري الروح ب 13 درهم
كل مرة اش تناخد و لكن الاكترية تناخد ديال الخزامة و ديال الريف دور
ايوا عندي واحد الفوطة مبقيتش بغيتها قطعت منها طريف صغير وواحد خليتو كبير
بلاتي هاني غنقول ليكم علاش
مني تنسيق الدار عادي
تنشد داك الطريف الصغير
تنفزكو بالماء و نعصرو
ونكب فيه الروح ديال ساني كروة
ونمسح الزليج ديال الدار
و نكب تاني شويا و نمسح حتى تنسالي الحيوط كاملين
و نشد داك الطرف الكبير ديال الفوطة و نفزكو و نعصرو ونرشو مزيان بالروح ديال ساني كروة
و ندوزو بحال الجفاف على الارض كاملة
وهاهيا الريحة غزاااااااااااااااااالة وتتبقى 48 ساعة عاطية
ومن بعد مني تنسلي المسيح و الجفان
تناخد واحد القرعة عندي ديال الريحة خاويا هادوك القراعي ديال الروايح 20 درهم ههههه
تنحلها و نكب فيها الروح و نزيد شويا ديال الماء
و نبدا نرش فيالدار
ونرش الورد ديال البلاستيك
 نرش البيبان
و الحيوط
والبيوت
و صافي هههههه
ايوا ندوزو للقالب الاخر
الى جلستي عندي في الصالونات و لا الفطويات تتشمي واحد الريحة غزالة فيهم
اجي نقولك السر ههههه
شادة واحد الطروفة ديال التوب ديال القطن
وشديت واحد الريحة الريحة ديالي طلعت ليا في الراس
و فزكتهم مزيااااااااااان بالريحة حتى ولاو تيقطرو
راه غير طروفة صغيييورين عنداكم تديروهم كبار تساليو فيهم القرعة ديال الريحة هههه
ايوا مني تفزكوهم ريحة طويهم و خشي كل طريف فشي قنت في الصالون
بين السداري و العود
ولا شي قنيت من اختيارك ههههه
و ها الريحة الغزالة في البيت
ايوا اجيو نقوليكم واحد السر اخر للطاوليت حشاكم
مني خوات ليا القريعة ديال فازلين شديتها و كبيت فيها فيري
و زدت معاه هاد الروح ديال ساني كروة
و سديتها مزيان
و تقبتها بالزلاك كلها ولات تقابي و لحتها في لشاص ديال الطواليت
و لي دخل و خوا الماء تتخرج ليه الرغوة و ريحة ياا سلاااااااااااام
ايوا كيف جاتكم هاد الافكار تنتمنى تعجبكممممممممم
اه سمحولي نيت واحد الفكرة اخرى مقلتها ليكم عاد رجعت عملت تعديل هههههه
هي الزربيات ديال الصالونات مني تنبغي نشطبها تنرش فيها الملح
ونمشي نقدي حوايج اخرين عاد تنرجع ليها نشطبها تتخرج غواااااااالة و نقية
وحاجة اخرى المنطات ديالي تنصبنهم بشامبوان ديال دراهم لي تيتباع في الكرارص تيخرجهم نقييييين و تتبقى فيهم الريحة هباااااااال
تنتمنى تعجبكم الفكرة
Tags : bf
Category : IDEES DOMICILE الأفكار المنزلية | Comments (0) | Write a comment |

طريقة عمل روق البسطيلة

Added 30/12/2016

مقادير و طريقة تحضير ورق البسطيلة:
100g دقيق
20g نشا ( ميزينة )
قبصة ملح
1 كأس عنبة ماء
زيت لذهن
طريقة عمل روق البسطيلة:
أول حاجة الدقيق ضربيه مزيان مع الماء و مليحة في الخلاط الكهربائي حتى يتلين مزيان بحال تضويرة ديال الحريرة. و خليه شوية يشرب ثم خدي مقلاة ديال بغرير تكون ماركة تيفال من الافضل. حطيها على اناء به ماء و شعلي النار .باش تحصلي على حمام مائي. ولكن السر لي بغيت نضيف هو عوض الشويتة غادية تستعملي بونجة و تكون رطبة. وتغمسيها في العجينة و تملسي مقلاة تيفال و بسرعة غادية توجد . والنصيحة الاخرى هي تاخدي رشاشة ديال البلاستيك او بخاخة راها موجودة في السوق تعمريها بالزيت و تنزليها حداك و بداي ترشي على كل ورقة وجدت بلا ما تستعملي الشيتة او توسخي يديك. باش ما يتلاسقوش الوريقات مع بعضهم. ولكن حتى تزوليهم من المقلاة. وهاكة غادية توجدي ورقة هائلة من يديك و في وقت وجيز و بشكل متول يا لالة مولات الدار. لان البونجة مسربية على الشويتة و بالتجربة.
نوجدوها في البيت و تكون رقيقة ومتقونة حسن منشريوها….و الصور توضح المراحل..

 

war9at bastila3

war9at bastila6

war9at bastila5

war9at bastila1

war9at bastila2

 

Tags : v
Category : CUISINE المطبخ | Comments (0) | Write a comment |

#FRANCAIS

Added 30/12/2016

Aucun texte alternatif disponible.

Tags : bf
Category : COUR DE FRANCAIS دروس في اللغة القرنسية | Comments (0) | Write a comment |

حلوى اقتصادية#

Added 30/12/2016

Tags : bf
Category : GATEAUX حلويات | Comments (0) | Write a comment |